जेलबाट जेपीले भने-मधेसी मोर्चाले मधेसी जनतालाई धोका दियो

SELL ANNUITY PAYMENT,DONATE YOUR CAR FOR KIDS, ASBESTOS LAWYERS, STRUCTURED ANNUITY SETTLEMENT, ANNUITY SETTLEMENTS, CAR INSURANCE, DONATE CARS IN MA

भ्रष्टाचारी ठहरिएपछि सदरखोरमा जेल जीवन बिताइरहेका पूर्वमन्त्री जेपी गुप्ताले संयुक्त लोकतान्त्रिक मधेसी मोर्चालेले मधेसी जनतालाई धोका दिएको आरोप लगाएका छन् । मधेसी मोर्चाको हालै बसेको बैठकले गरेको निर्णयहरुबारे आफ्नो धारणा सार्वजनिक गर्न आरगस रौनियारमार्फत जेलबाटै विज्ञप्ती जारी गरेका गुप्ताले सडक आन्दोलन गर्ने नैतिकता मधेसी मोर्चासँग नभएको बताएका छन् ।
“यत्रो भाग कहिले पाएका थियौं र सरकार छोड्ने ?” भनेर मोर्चाका नेता विजयकुमार गच्छदारले सत्य बोलेको भन्दै गुप्ताले भनेका छ-’मधेसी मोर्चाको ध्येय नै सत्तामा निरन्त्तर कायम रहनु हो ।’ बाबुराम सरकारलाई नै निरन्तारता दिने निर्णय गर्नु माओवादीको एजेण्डा भएको भन्दै गुप्ताले मोर्चा-माओवादी गठबन्धनलाई अझ् बलियो बनाएर लैजाने निर्णयलाई मोर्चाको आत्मा र रोजीरोटी भनेका छन् ।

नागरिकता समस्या समाधान गर्न गृहमन्त्री समेत रहेका गच्छदारले नै जारी गरेको परिपत्रले काम नगरेको, उनी स्वयंमले मोर्चाको दबावमा परिपत्र जारी गरेका भन्दै गुप्ताले नागरिकता समस्या समाधान गर्न अन्तरिम संविधान संशोधन गर्नु पर्ने र त्यसलाई माओवादीले अस्वीकार गरेको बताएका छन् ।

समावेशी विधेयकको मस्यौदालाई सरकारले नै संसदको विधायन समितिमा थन्क्याएको, सेनामा मधेसीको प्रवेशको अवधारणा मन्त्रिपरिषद्ले पारित गरेपनि अर्थमंत्रीलाई बजेट नदिइको भन्दै गुप्ताले विज्ञप्तीमा भनेका छ-’अब यस तथ्यहरूको आलोकमा मोर्चाले कुन नैतिकताको आधारमा अहिले सडक संघर्षको कुरा गरेको हो ? यो स्पष्टतः मधेसी जनता र देशलाई दिईएको घोका हो । यसको भत्र्सना हुनु पर्दछ ।’