पहिरोमा पुरिएर ५ को मृत्यु (फोटो फिचर)

SELL ANNUITY PAYMENT,DONATE YOUR CAR FOR KIDS, ASBESTOS LAWYERS, STRUCTURED ANNUITY SETTLEMENT, ANNUITY SETTLEMENTS, CAR INSURANCE, DONATE CARS IN MA

पहिरोमा पुरिएर ५ को मृत्यु (फोटो फिचर)

 प्यूठान— पहिरोमा पुरिएर प्यूठानमा ५ जनाको मृत्यु भएको छ। एकजना गम्भीर घाइते भएका छन्। शुक्रबार राती गएको पहिरोले खुङ–८, मा मानविय क्षति सहित लाखौं धनमालको क्षति भएको हो।

मृत्यु हुनेमा स्थानीय दोम बहादुर गिरी वर्ष ६०, देवा भण्डारी वर्ष ४२, राजु कवर वर्ष २५, प्रेम बहादुर गिरीको १० महिनाको छोरी आयुषा र २ वर्षको छोरा आयुष रहेका छन्।

उनकी श्रीमती मना गिरी वर्ष २३ की पुरिएर गम्भिर घाइते भएकी छिन्। उनलाई प्यूठान अस्पतालमा सामान्य उपचारपछि थप उपचारका लागि बुटवल रेफर गरिएको छ। प्रेम भने वैदेशिक रोजगारका लागि एकसाता अँघि गाउँबाट विदेश गएका छन्। अबिरल वर्षाका कारण स्थानीय खोर खोलाबाट आएको बाढी बस्तिमा पसेको थियो।

साँझको बेला करिब २ घण्टासम्म लगातार परेको मुसलधारे पानीसँगै पहिरोले बस्ती बगाएको हो। पहिरोबाट ३ जनाको घर गोठ र ७ जनाको गोठ र शौचालय बगाएको छ । उनीहरु सबैका गोठमा भएका बस्तुभाउ, चौपाया, घाँस, पराल, काठ दाउरा सम्पुर्ण पुरीएर नष्ट भएको छ ।

मानवीय क्षतिबाहेक अन्य क्षतिको विवरण संकलन गरीदैछ। बाढी पीडितहरुलाई शुक्रवार बिहानै प्रमुख जिल्ला अधिकारी राम बहादुर कुरुम्वाङको नेतृत्वमा गएको टोलीले राहत सामाग्री बितरण गरेको छ।

घटनाबाट पीडितका परिवारलाई प्रतिघरधुरी ४० हजारका दरले राहत रकम बितरण गरीएको उनले बताए । गैसस महासंघले चिउरा, चाउचाउ, बिस्कुट लगायतका खाद्य सामाग्रि प्रदान गरेको छ । रेडक्रस प्यूठानले कम्बल, भाँडाकुँडा र त्रिपाल लगायका सामाग्रि घटनास्थलमै पुगी बितरण गरेको सभापति गुमानराज पुलामीले बताए ।

सो अवसरमा स्थानीय विकास अधिकारी भगवान अर्याल, जिल्ला स्थित बिभिन्न राजनीतिक दलका प्रमुख तथा प्रतिनिधी लगायतको सामुहिक उपस्थिती थियो । सबैले राहत रकम संकलन गरी बाढी पिडितलाई प्रदान गर्ने बताएका छन्।