हात्ती बन्यो कलाकार, सूँडले बनायो लोभलाग्दा पेन्टिङ

जंगली जनावर हात्तीले सुन्दर पेन्टिङ बनायो भन्दा सायद तपाइलाई पत्याउन कठिन होला । तर, राम्रो तालिम दिन सकियो भने हात्तीले कति सिर्जनशील काम गर्न सक्छ भन्ने उदाहरणका लागि बैंककको एक हात्तीको काम हेरे पुग्छ ।

यहाँ एक हात्तीले आफ्नै तस्वीर बनाएको छ, त्यो पनि कलाकारले जस्तै ब्रस र रङको प्रयोग गरेर । नोप्पाखाओ नाम गरेको यो हात्तीलाई पिटर नामले चिनिन्छ । यो हात्तीले अहिलेसम्म दर्जनौं आर्ट तयार पारिसकेको छ, जुन ७० डलरसम्ममा विक्री भइरहेका छन् ।

आज हामीले तपाईहरुलाई देखाउन लागेको तस्वीरमा भने पिटरले साथीको तस्वीर बनाइरहेको छ । जुन, बैंककबाट ५० किलोमिटर अयुत्तथाया प्रान्तमा छ । पिटरले बनाएको पेन्टिङ्ग बेचेर आउने पैसा हात्ती संरक्षणमा खर्च गरिनेछ ।

पछिल्लो ८ वर्षदेखि पिटर नाम गरेको यो हात्तीले एशियन एलिफेन्ट आर्ट एन्ड कन्जरभेशन प्रोजक्टअन्तरगत पेन्टिङ्ग गरिरहेको छ ।

खर्वुजामा टेनिस, दुनोटमा गल्फ ! हेरौं केही अनौठा तस्वीर

खर्वुजामा टेनिस, दुनोटमा गल्फ ! हेरौं केही अनौठा तस्वीर

एउटा ठूलो खर्बुजामा एक जोडी टेनिस खेल्दैछन् । अनि अर्को एक महापुरुष नास्ता खाने दुनोटमा गल्फ खेल्ने कोसिस गर्दैछन । त्यहीँनेर अर्का श्रमजीवी हातमा ह्यामर लिएर धमाधम बदामको बोक्रा झार्दैछन् ।

तपाईलाई लाग्न सक्छ, यी साना-साना कुरामा यो सबै कसरी सम्भव छ ?

केही कुरा असम्भवलाई पनि सम्भव तुल्याउनु नै कलाकारिता हो । तीनै कलाकारले यी साना साना खाद्यबस्तुमा यस्ता बिचित्रका गतिबिधि गराइदिएका छन् ।

यी अनौठा तस्वीर अकिको इयो र पीयरे जेवलेले बनाएका हुन् । पेरिसमा अध्ययनका क्रममा उनीहरुको भेट भएको हो । पियरे ड्रोइङ र कोमिक्समा रुची राख्छन् भने अकिकोको खाने कुराहरुमा ।

उनीहरु दुबैले मिलेर खानेकुरामा रोचक तस्वीर बनाएका छन् । यसको नाम दिइएको छ, मिनि-यम अर्थात जसलाई हेरेर खान मन लागोस् ।

यी मिनियचर फोटोहरु बनउन उनीहरुले हाम्रो जीवनमा प्रयोग हुने खाद्यबस्तुलाई निकै ठूलो गरि तस्वीर खिचेका छन र त्यसमा बिभिन्न जीवन्त घटनाक्रम जोड्न कोसिस गरेका छन् ।

यदि तपाईले निकै ध्यान दिएर हेर्नु भयो भने तस्वीरमा हाम्रो दिनचर्यालाई उतार्ने प्रयास गरिएको छ । जस्तो कि खरवुजा र अन्डामा टेनिस खेल्नु । ठूलो दूनोटमा गल्फ खेल्नु । यस्ता केही तस्वीरहरु छन्, जुन तपाईलाई रोचक लाग्न सक्छ ।